Raiyawa

Vakatagedegede ni Vuravura

Ena Tropik Wood Industries Limited keitou muria matua na Qaravi Raiyawa ni Veikau. Kena usutu me salavata tiko na maroroi ni nodra itikotiko na kau kei na manumanu kei na rokovi ni nodra dodonu na cakacaka ena ta kau kei ira na lewenivanua.

Noda tei kau kei na ta kau ena itovo raiyawa, e rawa kina na ilavo kei na cakacaka, qai maroroi tiko ga kina na veikau baleti ira na luveda. Vei keda gona, kei ira na muri mai, e yaga tiko ga na Qaravi Raiyawa ni Veikau, me kauwaitaki vakatautauvata kina na tabana vakavanua, na veikabula kei na veika vakailavo.

E cibi na Tropik Wood Industries Limited ni sa rawata na ivola ni FSC™, na ivola vakadinadina kilai e veiyasai vuravura, ni qarauni ka vakarautaki kina na cakacaka ni ta kau me vakadeitaki kina ni na dei tiko ga na cakacaka. Neitou ivola ni FSC™ e vakadinadinataki kina ni keitou kauwaitaka na vanua e vu mai kina na neitou ivoli, kei na revurevu e vuravura ni kedra buli. Kerei moni taroga na neitou ivoli vakaivola ni FSC™.

Yaga Raraba na Raiyawa

E yaga vei keda kece na sasaga meda rawata na qaravi raiyawa ni veikau, tekivu mai na kena qarauni nodra rawati ira na itaukei ni veikau, me yacova kena taqomaki na veikabula kei na veivanua e vakarurugi ena veikau, valuti ni dravudravua ena taudaku ni taoni, kei na vorati ni revurevu eso ni draki veisau.

Neitou veitauriliga kei na veivanua keitou veiqaravi kina, kei ira na tauri lisi kei ira na vakasea, eda na namata kece kina ina veisiga vivinaka mai muri.

Sala eso Keitou Veiqaravi Raiyawa kina

Qo e so na sala keitou qarava kina vakaraiyawa na veikau::

  • Neitou tei kau e sivita neitou ta kau – e tubu tiko ga na iwiliwili ni kau ena neitou veikau kece;
  • Na ta kau e caka vakayalomatua, nira matua kece na kau e ta, yabaki 20 – 25 (keitou sega ni taya na kau se bera ni yacova na yabaki qo)
  • Neitou ta kau kece keitou muria kina na kena ivakarau vakalawa (forestry harvesting code of practice)
  • Taqomaki neitou veikau mai na kama kei na ta kau butako
  • Taqomaki na qele kei na kau, co, se wa e tubu ena neitou veikau
  • Veimaliwai vinaka tiko ga kei ira kece keitou vakaitavi vata, vakauasivi o ira na itaukei ni qele, mera makutu kina na qarava vinaka na veikau
  • E tabu ni keitou tara e dua na veikau e sega ni neitou
  • E tuvai vakamaqosa na ta kau kece